*Sigh*

Main ye kis ke naam likhoon jo alamm guzar rahay hain
Mere shehar jal rahay hain,mere log marr rahay hain

Koi guncha ho ke gul ho,koi shaakh ho shajar ho
Wo hawaa-e-gulistaan hai ke sabhi bikhar rahay hain

Kabhi rehmatain thi nazil issi khita-e-zamee’n par
Wohi khitta-e-zamee’n hai ke azaab utar rahay hain

Wohi taairo’n ke jhurmut jo hawa main jhooltay thay
Wo fizaa ko dekhtay hain to ab aah bhar rahay hain

Bari aarzoo thi humko naye khaab dekhnay ki
So ab apni zindagi main naye khaab bhar rahay hain

KOI aur to Nahi hai pass-e-khanjar aazmaai
HAMEE QATAL KAR RAHAY HAIN,HAMEE QATAL HORAHAY HAIN!!!!!!

Obaidullah Aleem